ភ្នំពេញ: មិនថាសម្លៀកបំពាក់ប្រចាំថ្ងៃ ឬឈុតឡើងឆាកតន្ត្រីបែបយុវវ័យសម័យទំនើបដែលធ្លាប់តែស្លៀកជិតៗបិទបាំងប្រាណនោះ តារាចម្រៀងល្បីប្រចាំទ្រនំហង្សមាស កញ្ញា ឱក សុគន្ធកញ្ញា ទើបតែមួយម៉ោងមុននេះ បានធ្វើឲ្យមហាជនភ្ញាក់ផ្អើលមិនតិចទេ ជាមួយការបង្ហោះរូបថតអង្គុយចំហៀង ដៃកាន់ទូរស័ព្ទ ក្នុងឈុតខោអាវហាត់ប្រាណពណ៌ខ្មៅរំលេចនូវសម្រស់ដើមទ្រូង ក្បាលពោះ និងគល់ភ្លៅយ៉ាងស្រឡូន ក្នុងបណ្ដាញអ៊ីនស្តាក្រាម។
តារាចម្រៀង ឱក សុគន្ធកញ្ញា។ រូបថត អ៊ីនស្តាក្រាម រូបថតដ៏គួរឲ្យភ្ញាក់ផ្អើល ដែលធ្វើឲ្យប្រិយមិត្តខ្លះចំហរមាត់ទាំងបន្លឺសារឡើងថា៖ «នេះជារូបថតសិចស៊ីពុំធ្លាប់មានបង្ហោះឡើយសម្រាប់កញ្ញា ឱក សុគន្ធកញ្ញា»។ ភ្ជាប់ជាមួយរូបថតនោះផងដែរ តារាចម្រៀងម្ចាស់បទ «រាំអ៊ីចេះៗ» រូបនេះបានសរសេរ ថា៖ «យុទ្ធនាការសម្រកជាតិខ្លាញ់ក្នុងខ្លួន…»។
ក្នុងនោះតារាចម្រៀងសម្បូរអ្នកគាំទ្រជាយុវវ័យរូបនេះបានប្ដេជ្ញានឹងខ្លួនឯងទៀតថា៖ «៥ គីឡូត្រូវចាកចេញពីខ្លួនរបស់ខ្ញុំ បើមិនដូច្នោះទេមិនអាចយកឈ្នះជំងឺផ្សេងៗបានទេ…»។ តារាចម្រៀង ឱក សុគន្ធកញ្ញា ដែលទើបប្រកាសសុំធ្វើសិស្សរបស់កីឡាការិនីហែលទឹករូបស្រស់ ហែម ថុនវិទិនី រូបនេះ នាងបានក្រើនរំឭកប្រាប់ប្រិយមិត្តទៀតថា៖ «ហាត់ប្រាណដើម្បីសុខភាព រក្សាគីឡូទើបមិនងាយឈឺ…»។
ក្រោយពីឃើញរូបថតក្នុងបណ្ដាញអ៊ីនស្តាក្រាមរបស់ តារាចម្រៀង ឱក សុគន្ធកញ្ញា អ្នកគាំទ្ររបស់នាងក្រៅពីដាក់រូបភាពចំហរមាត់ធំៗដោយភ្ញាក់ផ្អើលមិនគួរឲ្យជឿនឹងភ្នែកពីរូបភាពសិចស៊ីមិនធ្លាប់មានរបស់នាងនោះ ខ្លះសរសេរថា៖ «រាងបងឡើងស្លីមម៉ង» «សិចស៊ីសាឡប់ តារាសំណព្វចិត្តខ្ញុំ» និងខ្លះទៀតថា «សិចស៊ីឡើងកប់ម៉ងបងកញ្ញា»៕
No comments:
Post a Comment